home உன்னதம், கவிதை ஜுலியோ கொர்த்தஸார் கவிதைகள்

ஜுலியோ கொர்த்தஸார் கவிதைகள்

 

ஒரு காதல் கடிதம்

 

உன்னிடம் நான் வேண்டுவதெல்லாம்

இறுதியாக மிகக் கொஞ்சம்

 

ஏனெனில், இறுதியாக அனைத்தும்

 

அருகில் சென்று கொண்டிருக்கும் ஒரு நாயைப் போல, அல்லது ஒரு குன்று,

அந்த அர்த்தமற்றவைகள், லெளகீகம்,

கோதுமைக் காது, நீண்ட கூந்தல் மற்றும் இரண்டு சர்க்கரைக் கட்டிகள்,

உன் உடலின் வாசனை,

என்னிடம் அல்லது எனக்கு எதிராக

நீ கூறியது எதுவாக இருந்தாலும்,

 

மிகக் கொஞ்சமான அனைத்தும்

உன்னிடமிருந்து எனக்கு வேண்டும் ஏனெனில் நான் உன்னைக் காதலிக்கிறேன்

 

எனக்கு அப்பால் நீ பார்க்கலாம்,

முரட்டுத்தனமான அலட்சியத்துடன் நீ என்னைக் காதலிக்கலாம்

நாளைக்காக, உனது வருகையின் கதறல்

சில அலுவலகங்களில் அதிகாரியின் முகத்தில்

வெடிக்கட்டும்

 

நாம் இணைந்து கண்டறிந்த இன்பம்

விடுதலையின் மேலும் ஒரு அறிகுறியாக இருக்கட்டும்.

 

 

 

குறுகிய காதல்

 

எவ்வளவு மென்மையாக, எவ்வளவு இனிமையாக

படுக்கையிலிருந்து என்னைத் தூக்குகிறாள், நான் கனவு கண்டு கொண்டிருந்தேன்

பரந்து விரிந்த, நறுமணமூட்டும் வயல் வெளிகள் பற்றி,

 

என் தோல்களின் மீது அவள் விரல்களால் வருடுகிறாள்

வெற்று வெளியில் என்னை வரைகிறாள், சற்று உறைந்து, அந்த முத்தம்

வளைந்து திரும்பத் திரும்பத் தகிக்கும் வரை

 

ஒரு மெல்லிய சுவாலை

நெருப்பின் தாள நடனத்தை எரிக்கிறது

மின்வெட்டொளிகளில், பின்னல்களில் நம்மை இணைத்து நெய்தவாறு,

புகைப்புயலில் சென்றவாறும், வருகை புரிந்தவாறும் –

 

(எனவே

என்னை விட்டு விலகியது என்ன, பின்னர்,

ஒரு விடைபெறல் இல்லாமல், நமது கரங்களை

விடுவிக்கும் ஒரு சமிக்ஞையை விட ஒன்றுமில்லாமல்

சாம்பல்களுக்குள் வெறும் ஒரு மூழ்குதல் ஏன்?)

 

 

தமிழில்: மோகன ரவிச்சந்திரன்

 

உலகப் புகழ்பெற்ற லத்தின்அமெரிக்க எழுத்தாளர். இவருடைய சிறுகதை ஏற்கனவே உன்னதத்தில் வெளிவந்திருக்கிறது.

Leave a Reply

Your email address will not be published. Required fields are marked *

உன்னதத்தின் படைப்புகளை படித்து ரசித்து அனுபவிக்க வாங்க இங்கே வாங்க. Dismiss

error: Content is protected !!